Ni 26.1.2017 (Zirtawpni) khan Mamit District Bawrhsap Pi Lalbiaksangi hoin a Office Chamber ah Mamit District Road Safety Council meeting neih a ni a, Mamit khawpui chhunga Road Safety Week 2017 hman dan tur rel a ni.

District Bawrhsap Pi Lalbiaksangi kaihhruaia neih meetingah hian State Road Safety Council ruahmanna angin Mamit khawpui chhungah pawh Ni 6-11 February , 2017 chhung hian “Nang leh i chhungte him theih nan Lamlianah fimkhur ang che” tih thupui hmangin Road Safety Week hman nise, week hawnna hi ni 6/2/2017 zing dar 6:30 ah Mamit Field Vengah hman nise tih a ni a, Road Safety Week hman chhung hian Govt. High School Mamit leh Govt. Higher Secondary School Mamit ah te Road Safety Awareness Campaign neih nise tih a ni.

Road Safety Week hman chhung hian Traffic Police, MVI leh Excise Department tangkawpte’n vawi thum tal Mobile checking neih nise, Mamit Town Road Protection Squad te pawhin kawngpui dunga hmanrua leh lirthei dah hnawk a awm leh awm loh enfiah ve bawk se tiin an rel. Mamit khawpuui chhunga Taxi khalhtu leh Maxi Cab khalhtute zing atangin Driver tha thlan chhuah nise tih a ni a, Week hawnna programme ah chawimawina hlan nise tih a ni bawk.

Meetingah hian District Road Safety Council member te an tel kim a ni.

Attachment

  • Loading attachment...