Vawiin khan Dr Lalrozama, IAS, Chairman District Road Safety Committee/District Bawrhsap kaihruaina-in a Office Chamber- ah Mamit District chhunga Road Safety Committee-te chuan Road Safety Week ( 27th May - 4th June) 2019 hman dan tur chungchang ngaihtuahin an thukhawm.

Meeting kaihruaitu Dr Lalrozama chuan Road Safety Week District chhunga hlawk zawka hman a tul thu a sawi a, Road Safety Week 2019 hawnna hi 27th May, Zing dar 6:30-ah Siamliana Hall-ah hman nise tih a ni a, Programme kimchang duan nghal a ni. Road Safety Week hawnna bakah hian mipui phur thin lirthei khalhtute tan fimkhur lehzuala lirthei khalh tura  inzirtirna Awareness Campaign hun hman ni se tih a ni bawk a, Zirlai naupang High School leh Higher zirlaite tan hemi chungchang zirtirna hi an School-ah kalchilha hman ni se tih a ni bawk.

Meeting hian Lirthei khalhtute leh mipuite himna tur lam hawi thuziak Mamit khawpui chhung hmun lunlaiah tar nise tih a ni a, hei bakah hian thuziak a tam thei ang ber Week hawnna-a kalte leh mipuite hnena semchhuah tur DTO lamin lo buatsaih se tih a ni bawk. Mamit khawpui chhung Village Council tinte bakah District chhung khua-ah te vantlang aurinna hmangin week chhunga thuchhiar chhuah tur Transport Department lamin an buatsaih chu mipui tam zawk te'n kan hriat theihvnan chhiarchhuah tura pek vek ni se tih a ni bawk.

Road Safety Week chhung hian Road Protection Squad- te chuan Mamit khawpui chhung kawngpui sira motor park leh insakna bungruate  kawngpui tihnawk zawnga dah an awm leh awmloh lo ennawn leh se, Week chhung hian Mobile checking, DTO Enforcement, SP Office leh Excise Department-te nen tangtlangin Mamit khawpui chhung bakah District chhung khua W. Phaileng, Kawrthah, Zawlnuam leh Kanhmunah te neih nise tih a ni bawk.

Attachment

  • Loading attachment...