240/2024-2025 

Mamit 17th April, 2024 : Lok Sabha inthlanpui neih tur atan Mamit District chhunga Constituency pathumah Motor luh theih lohna khua, ke leh lawnga kal ngai leh hmun hla zawkah te Polling Parties te vawiin khan an fehchhuak tan.

Mamit District chhungah Assembly Section (AC) pathumah hian ke-a kal ngai khaw 4 leh lawnga kal ngai khaw 2 a awm a. Hei bakah hian Sotapa khua chu khaw chin azira ke-a kal ngai tur, ruahsur leh sur lova innghat a ni.

Hachhek bialah Bajirungpu leh Kananthar khuate hi ke-a kal ngai a ni a. 2-Dampa AC huam chhungah Zopui khua chu lirthei luh theih lohna khua, ke-a kal ngai niin Mamit AC-ah Dilzawl leh Tlangkhang lawnga kal ngai a nih bakah Chilui khua chu ke-a kal ngai khua a ni bawk.

Heng Polling Station lirthei luh theih lohna leh panna harsa zawkah te hian vawiinah polling parties te an fehchhuak tan a. Tlangkhang khua bik erawh naktuk hian polling parties te'n an pan ang.