4624/2023-2024

Dated Siaha 17th April 2024 : Vawiin chawhma dar 11 khan DC Mini Conference Room-ah 25- New Siaha East- II leh 94- College Vaih -III Village Council Constituency by-election neih tura Final Electoral Rolls, ni 1, April, 2024 tehfung a hmanga duan chu Pu V.L. Hruaizela Khiangte, District Election Officer chuan a tlangzarh.

Pu V.L. Hruaizela Khiangte chuan kalkhawmte hnena lawmthu sawina a nei hmasa a. Kan hma lawkah MP ( LS) Election neih a ni dawn a, chutih rualin Village Council by- Election neih a tul avaning Official leh party lamte an hah hle tiin theihtawp chhuaha thawhho a pawimawh dawn hle a ni, a ti. Democracy ramah mipuiten an aiawh an thlang thin a, mipuiten an duh an thlang chhuah chu an dikna chanvo a nih angin mipuite pawhin vote thlak ngaihpawimawh a tul hle a ti.

Pu V.L. Hruaizela Khiangte chuan India ram Democracy inchherchhuan danah Village Council-te chu a bul thut (grassroot) an ni tih sawiin,  vengchhung mipuite nena in ngheng reng an nih avangin vengchhung hmasawnna hna thawh kawngah an pawimawh tak zet a ti a. Veng leh khawtlang hmangaihna nena mipui rawngbawltur an nih ang takin mi tha leh dik thlang chhuak turin mipuiten mawhphurhna lian tak an nei a ni,a ti. Inthlanna felfai leh thianghlim tak nei turin Party mi leh sa, New Siaha East- II leh College Vaih- III mipuite duhsakna a hlan nghal bawk.

Vawiina Final  Electoral Rolls tlangzarh tak atanga a lan danin , 25-  New Siaha East-II ah hian vote nei mipa- 281, hmeichhia- 303  an vaiin mi - 584 an awm a, College Vaih-III ah vote nei mipa- 316, hmeichhia- 349 an vaiin mi- 665 an awm a ni.

By- election neihna tur New Siaha East-II ah hian seat hnawhkhah tur seat- 6 ( General & Reserved) awmin, College Vaih -III ah hian seat - 1 (General ) a awm bawk a ni.

Vawiin Draft Electoral Rolls tlangzarh inkhawmah hian Political Party aiawh an telkim vek thei a, Pu V.L. Hruaizela Khiangte, chuan party aiawh lo kalte hnenah Draft Electoral Rolls copy khat theuh a hlan nghal bawk.