No.7319/2020-2021

Vawiin khan DC Conference Hall, Mamit-ah 11th National Voters' Day hman a ni a. Dr. Lalrozama, IAS District Election Officer/ Bawrhsap chuan khuallian niin a hmanpui.

Khuallian chuan India khua leh tui kum 18 tling vote nei tharte pualin kumtin January 25 chu National Voters' Day atana hman thin a nih thu a sawi a. India dan hnuaiah Kum 18 tling chinte chu ram rorelna-ah mahni duhzawng thlanga vote thlak thei leh puitlinga chhiar kan nih tawh avangin vote nei tharte pawh rilru thianghlim tak nena vote thlak a, mahni duhthlanna zau tak hmanga vote neih hlutzia hre chunga vote thlak thin turin a sawm. 

National Voters Day-ah hian Pu R. Vanlalsawta, ERO, 3- Mamit ( ST)/ Addl. DC/DDEO chuan Chief Election Commission thuchah chhiarchhuahna a nei a ni.

Vawiin 11th National Voters' Day-ah hian Mamit District chhunga BLO tha ber hnenah khuallian hian chawimawina hlanin, National Voters' Day puala buatsaih Slogan Writing Competion leh India khua leh tui Kum 18 tling chinte vote thlak vek tura inzirtirna video clip lawmman pakhatna atanga pathumna bakah Consolation Prize lawmmante khuallian hian a hlan nghal bawk a ni. 

Mamit District chhung Constituency pathum atanga 2020 - 2021 chhung BLO tha thlanchhuahte hi :- 1- Hachhek (ST) atangin Hrangkapkima Ralte, 2- Dampa (ST) atangin Lalhmachhuana leh 3- Mamit (ST) atangin K. Lalmuankima te an ni. Lawmman hian pawisa fai Rs. 3,000/- a keng tel. Slogan Writing Competition-ah hian 1. Lalawmpuia, Reiek 2. Laldinpuia, Sihthiang leh 3. Laldawngliana, Damdiai te an ni a. Lawman pakhatna hian pawisa fai Rs. 10,000/- Pahnihna Rs. 8,000/- leh Pathumna Rs. 5,000/- te a keng tel bawk a ni. SVEEP Video Clip Competition-ah hian Lawmman pakhatna dawngtu hi Nuno-i & Friends, pahnihna Isak Vanlalruata, pathumna Presbyterian English School, 5th Batch te niin Lawmman pakhatna-in pawisa fai Rs. 10,000/- pahnihna Rs. 8,000/- pathumna Rs. 5,000/- a keng tel bawk a ni. SVEEP video Clip Competition-ah hian mi 6 te hnenah Consolation Prize hlan niin pawisa fai Rs. 1,000/- theuh a keng tel bawk. 

Pu Victor Lalawmpuia, SDO (S) Mamit chuan vote nei tharte hnenah EPIC hlanna a nei bawk.

National Voters Day hi Pu Lalhmachhuana, Election Officer, Mamit chuan kaihruaiin kalkhawmte'n Chairman kaihruaina hian pledge sawirualna neih a ni a. Political Party aiawh, tlawmngai pawl aiawhte atangin thusawi ngaihthlak a ni a. Pu H.D Lalpekmawia, ERO 1-Hachhek (ST)  & 2 Dampa ( ST)/ PD, DRDA chuan lawmthu sawina a nei bawk.

Attachment

  • Loading attachment...