2220/2022-2023
Mamit 7th October, 2022 - Vawiin khan Chhimveng YMA Hall, Mamit-ah Cleanliness Week, 2022 kharna hun hman a ni a, Pu Lalnunhlua, District Bawrhap chuan khuallian niin a hmanpui.

Khuallian chuan faina kawnga sawi tur tam tak zingah " Fai hi Pathian anna a ni" tih chu a pawimawh ber a nih thu sawiin, faina-in a ken tel changkanna a nih angin hmasawnna tur tam tak kan la neihah theihtawpin District mipuite'n hma la zel ila, Mamit District chu Aspirational District atanga District dangte umphak a, faina lamtluang zawh zel turin a sawm a ni.

District Bawrhsap chuan faina hapta kharhna hun hman nimahse fai tura hmalakna erawh khar tel a nih loh avangin Mamit khawpui bakah District chhung khaw hrang hrangte faina kawnga thangharh zel turin a sawm a ni.

Pu C. Sawihlira, District Urban Development Officer (DUDO), Mamit pawhin faina chu mi tlemte, Department pakhat chauh thawh theih a ni lova, kan zavaia tanrualna chu kan District-in faina kawnga hma kan sawnna tur a nih avangin tha thlah lova kan beih zel a tul thu a sawi.

He hunah hian Faina Hapta puala inelna lawmman chi hrang hrang khuallian hian sem nghalin, Category pasarihah inelna kalpui a ni a, hetiang hi lawmman lak dan a ni.

1. Office fai -

1) District Child Protection Unit
2) PWD, Mamit
3) Mamit Forest Division

2. Vengfai -

1) Mamit Venghlun
2) Chhimveng
3) Bazar veng

3. Zirna In ( Primary - Middle ) -

1) St. Francis of Assisi School
2) Primary IV
3) Primary VIII

4. Zirna In ( High School - College) -

1) Govt. Mamit College
2. Presbyterian English School
3) New Diamond School

5. Restaurant/Tea Stall -

1) Samuel Restaurant
2) RK Restaurant
3) Sawm Sawm Restaurant

6. Bazar Market -

1) Bazar veng, Bazar
2) Field veng, Bazar
3) Venghlun Bazar

7. Health Care facilities -

1) Bazar veng Sub-Centre
2) Chhimveng Sub-Centre
3) New Mamit Sub-Centre te an ni.

Kumin Cleanliness Week thupui atan hian "Waste Segregation at Source" "Bawlhlawh paih hmaa thliar hran" tih chu hman a ni.

Cleanliness Week, 2022 kharna hun hi Pu H. Lalthlengliana, VCP Chhimveng chuan kaihruaiin Pu Laltanzuala, UD&PA chuan lawmthu sawina a nei bawk.

He hunah hian District Sanitation Task Force Committee members, Govt. Mamit College zirlaite, NGO hrang hrang bakah Khawpui chhung VC members- te an tel a ni.