1797/2022-2023
Mamit 2nd September, 2022 : Vawiin khan Chhimveng YMA Hall, Mamit-ah National Health Mission, Mamit District buatsaihin Adolescent Health & Wellness Day, National Deworming Day leh National Nutrition Week hman a ni.

Dr. Lalnuntluangi Khiangte, Senior Medical Officer, Mamit District chuan Power point presentation hmangin ei tur tha, hriselna leh thianghlimna tih thupui hmangin kalkhawmte zirtirna a pe a ni.

Adolescent Health & Wellness Day, National Deworming Day leh National Nutrition Week thupui atan 'Eat Right, Future Bright' tih hman niin National Nutrition Week pualin Rally, Field veng Traffic point atanga Chhimveng YMA Hall thleng neih a ni a. Kalkhawmte hnenah Rulhuthlo (Albendazole) pek vek an nih bakah Mobile Medical Unit, Mamit te'n Free Clinic an nei zui nghal bawk a ni.

He hun hi Dr. Zothankhuma Chhakchhuak, CMO chuan kaihruaiin Pi Eloy Zonunpari, District Programme Manager, NHM chuan lawmthu a sawi a. He hunah hian Higher Secondary zirlai naupangte an tel a ni.