Vawiin khan Bethany Social Welfare Society, Mamit Bazar Veng-ah thalai ruihhlo hmang sual tam lutuk leh HIV/AIDS vei pung chak lutuk chungchangah Bethany Social Welfare, Mamit bultumin Mamit khawpui chhunga Kohhran hrang hrang hruaitute, khawtlang hruaitute leh line Department aiawhte thutkhawm a ni.

He huna Resource Person Pu Darthakunga, PO NETSU, NACO chuan Power point presentation hmangin Mizoram chhung HIV/AIDS vei dinhmun leh Mamit District dinhmun chipchiar takin a tarlang a. Tun dinhmunah Mamit District-ah HIV natna vei mi 126 awm mekin chung zinga mi 118-te chu ART damdawi la an ni a. Kum 2007 atanga September 2019 thlengin Mamit District chhungah HIV/AIDS vei mi 414 hmuhchhuah an nih tawh thu a tarlang bawk. Kohhran leh khawtlang hruaitute chu HIV/AIDS darh zel tur venna kawngah thawhhopui tura sawmin abik takin Kohhran hrang hrang hruaitute chu anmahni Kohhran theuhah ruihhlo leh mipat hmeichhiatna hman khawloh pawizia uar taka sawi turin a ngen nghal bawk.

Advocacy Meeting-ah hian sawihona hun tha tak neih niin khawtlangin nun nuam zawk a neih theihna tur te, ruihhlo leh a kaihhnawih do tura tun aia nasa zawka thawhho dan turte sawiho nghal a ni.

He hun hi Lalchhuanmawii, Project Manager, Bethany Social Welfare Mamit-in kaihruaiin Sister Reshma, Nurse Bethany Social Welfare, Mamit chuan kalkhawmte lawmna thu a sawi a. He hunah hian Mamit khawpui chhunga Kohhrang hrang hrang aiawh, Khawtlang hruaitute bakah Line Department hrang hrang aiawhte an tel a ni.