No.7776/2020-2021

Mamit 12th March, 2021 : India ram zalenna Kum 75-na lawmna tur inbuatsaihna atan vawiin khan Bharat Ka Amrut Mahotsav 2021 chu District Legal Services Authority (DLSA)- Mamit bultumin Govt. Mamit High School-ah hman a ni.

He hunah hian Resource Person Pu Laldinpuia Tlau, Secy, DLSA, CJM Mamit ni bawk hnen atangin zirlaite tana dan hriat tur pawimawh hrang hrangte ngaihthlak a ni a. Zirlaite hnen atanga zawhna leh chhanna hrang hrang awmte ngaihthlak niin an zawhna te hi Pi H.Lalruatfeli, Advocate, he school atanga HSLC pass chhuakin a chhansak nghal a ni.

Bharat Ka Amrut Mahotsav 2021 Programme hi National Legal Services Authority (NALSA)-in Ni 12.3.2021 hian Tribal mite tamna State/UT-ah Legal Awareness Programme hmun 5-ah tal neih turin a ruahman a. Mizoram State Legal Services Aithority (MSLSA)-in Mizoram tana he hun hmang tur District 5 a thlan zingah Mamit District chu a tel ve avangin he hun hi hman a nih thu ngaihthlak a ni bawk.

He programme hi Pu Hmartawnluaia Vaiphei, Headmaster, Govt. Mamit High School chuan a kaihruai a, zirlaite'n an hlawkpuiin zawngchhang tlak an ti hle a ni.