Sorkar in BPL list rintlak leh dik kan neih theih nan BPL Baseline Survey nei tur a hma a lak angin Mamit Ditrict chhunga BPL list felfai leh dik zawk neih a nih theih nana BPL Survey kalpui dan tur ngaihtuahin vawiin khan D.C Conference Hall, Mamitah District Bawrhsap Pi Lalbiaksangi kaihhruaina in training neih a ni.

Pi Lalbiaksangi chuan BPL List felfai tak kan neih theih nan Department hrang hrang te thawhho a tul thu a sawi a, he hna kalpuina tur hian Economics & Statistic form siam hmanga kalpui tur a nih thu leh hna kalpuina tur hian District chhunga BDO te chu fimkhur leh dik taka kalpui turin a chah a. Sorkar kaihhruaina leh tehfung siam ang nilo a BPL chhungkua atana thlanchhuah te chu pawm an ni lo anga, thil dik lo ti tu chungah chuan a tul anga action lak a nih tur thu a sawi bawk.

Pu H. Lianzela Addl D.C in survey kalpui dan tur a hriatttur hrang hrangte sawiin District chhunga BDO tinte kaihruaina in  an huam chhunga Village Council President/Village Level Monitoring Committee te chu he hna  kalpui tur an ni dawn a, he mi atan hian BDO tinte hian Village Level Monitoring Committee te training lo pe tur tih an ni a, survey hi May 20th 2016 ral hma zo fel vek tur tih niin Survey result hi 20th may hma Deputy Commissioner Office  a thehlut hman tura tih an ni.

Pu Lalsawta, DRO, Economics & Statistict Mamit Form  hman dan ziritrna a nei bawk.

Training-ah hian Mamit District chhunga BDO te leh Staff he hna kalpui tu tur te an tel a ni