1883/2022-2023
Mamit 12th September, 2022 : Vawiin khan DC Conference Hall, Mamit-ah Pu Lalfakzuala, Addl DC chuan Aspirational Programme hnuaia campaign Buniyadi Shiksha Abhiyan hawnna a nei.

Pu Lalfakzuala chuan Aspirational District hnuaia hmalakna pui tur leh chawikan nana Piramal Foundation-te hmalakna chu lawmawm a tih thu sawiin he programme hnuaia hmalakna turin a huam zingah Education, Drinking Water leh Financial Inclusion- te bakah Literacy lamah hmalakna uar zawka kalpui a tul thu a sawi bawk.

Pi Miranda Chhehlawn, District Lead, Piramal Foundation chuan Buniyadi Abhiyan Shiksha Campaign chungchang sawizauna neiin he programme hnuaiah hian zirlai naupang pawl 1 atanga pawl 5 inkarah hmalakna kalpui tum a ni a, naupangte'n thiamna tak tak an neih theih nan leh an zirlai bakah nunphung pangai tak an neih nan te, hmalakte kalpui tum a ni, Mamit District chhunga Block pali atangin Sawrkar School 34 thlanchhuah niin, naupang 2734 te tuam tum a ni a. He campaign kalpuina tur programme hi phase 3-a then niin phase 1 hi 50 days ruahman niin phase 2 atan 30 days leh phase 3 atan 20 days ruahman a ni. Zirtirtu leh khawtlang mipuite'n zirlaite zirna kawnga an puih theih dan tur sawiho a ni bawk.

Buniyadi Shiksha Abhiyaan (BSA) hi Pu Lalfakzuala, Addl DC chuan bati chhi-a hawngin Pu Vineet Kumar, IPS, SP Mamit leh Nodal Officer, Aspirational District Programme te'n he hun hi an telpui bawk.

Piramal Foundation Team-te hi Mamit Aspirational District hmalakna pui turin Mamit DC Office-ah awmin District Lead Manager bakah member 4 Gandhi Fellows an awm mek a ni.