3545/2022-2023
Mamit 10th February,2023 : Vawiin khan DC Conference Hall, Mamitah Chapchar Kut 2023 hman dan tur relin Mamit District Chapchar Kut Organising Committee chu an Chairman Pu Lalnunhlua, District Bawrhsap hovin thutkhawm a ni.

Meeting chuan kumin Chapchar Kut chu Sorkar-in a hun tur a ruat pangngai March Ni 3-ah GSA Playground Mamit-ah zing dar 11 atanga hman tan nise tiin a rel a. Kut pa atan Mamit District Bawrhsap chu ruat nghal a ni.

Kumin Chapchar Kut lawmna-ah hian Mizo hnam lam hrang hrang leh Mizo infiamna hrang hrangte neih tura ruahmanna siam niin Mamit District chhunga YMA Branch hrang hrangte he hunah hian tel tura beisei an ni.

Chapchar Kut lawmnaah hian mipui zawng zawng sawm nise tih a ni a, heta kal turte chu Mizo hnam ziarang lang thei tura inchei vek nise tih a ni. Miss Chapchar Kut leh Kut naupang thlan nise tih a ni bawk.

Vawiin Meeting-ah hian hlawhtling taka Chapchar Kut hman a nih theih nan mawhphurhna leh chanvo hrang hrang inpek nghal a ni.

Meeting-ah hian Chapchar Kut Organising Committee member te an tel tha hle a ni.