4486/2025-2026

Dated :Mamit 16th of February, 2026 : Vawiin khan DC Conference Hall, Mamit-ah Pi Carolyn L.B Khiangte, Addl DC kaihhruainain Mamit-a Chapchar kut hman dan tur rel a ni.

Vawiin thutkhawmah hian Chapchar kut, thla thar Vau thla ni 13 chu Mangkhawngdai Field-ah hman nise tih a ni a, Kutpa atan Pu Malsawmzuala, Project Director chu ruat niin Kut thlengtu atan Pu Vanlalchhuanga, President Sub. Hqrs YMA chu ruat a ni bawk.

Chapchar kut, 2026 hmanna turah hian a lawmna felfai zawk a, neih a nih theih nana hma lo la tur leh ruahmanna lo siam turin Organising Committee, SDO(S) Chairman na hnuaiah din a ni a, Department hrang hrangte hmalakna tur mawhphurhna inpek niin, Chapchar kut thlen hma Ni 9-13, Vau thla chhungin mipui nawlpui leh Sawrkar hnathawkte Mizo nunphung leh ziarang pholang thei ang bera inchei tura beisei kan ni a,Chapchar Kut hmanna hmuna kalte atangin Kut naupang leh Kut nula thlanna buatsaih a ni leh ang.