4485/2025-2026

Dated Serchhip, the 16th February, 2026: Vawiin khan Serchhip District NCORD chu an Chairman Pu Paul L. Khuma hoin DC Meeting Hall ah an thukhawm.

Vawiiin meeting ah hian NCORD meeting hmasaa thurel bawhzuina te thlir letin, hmachhawp te an sawiho a. Serchhip District chhunga drugs do dan tur ruahmanna Three Years District Level Action Plan to Combat Drug Menace duan chhin (Draft) chu an sawi hoa, he ruahmanna hi kenkawh a nih hunah chuan Serchhip District ah chak lehzualin ruihhlo donaah hmalak theih beisei a ni.

District level NCORD meeting vawi 21 na leh kumin atana a vawi 11- na ah hian report hrang hrang ngaihthlak a ni a. Meeting leh meeting inkarah ruihhlo (narcotics) kaihhnawhah Police Department-in Heroine - 10.7 grams an man a. Excise & Narcotics Department chuan Heroine -13.15 grams an man a ni. Police Department leh Excise & Narcotics Department lamin School leh College hrang hrangah Drug awareness campaign an nei bawk.

Serchhip District Narco Coordination (NCORD) meeting hi thla tin neih thin a ni a. Police leh Excise Department te, Health Department Department hnuaia Food and Drug Administration te, Serchhip Sub Headquarters YMA hruaitute leh mi pawimawh dang te member an ni.