4820/2025-2026

Dated : Mamit the 13th of March, 2026 : Vawiin khan Tennis Court, Mangkhawngdai, Mamit-ah Chapchar Kut 2026 hlim leh ropui taka hman a ni a,Kut pa Pu Malsawmzuala, Project Director, DRDO niin Kut thlengtu hi Pu Vanlalchhuanga Chhangte, President Sub-Hqrs YMA a ni.

Kut Pa Pu Malsawmzuala chuan Pathianin mizo ni tura min siam angin hetah hian kan lungawi tur a ni a, hnam lian zawk leh ropui zawkte kan ngaisangin kan zah thei a mahse indah hniam loin Mizo kan nihna a tidanglam tur a nilo a ti. Mizote min ti Mizo tu zinga kan incheina hi a ni a, kan kut leh hun ropuiah te kan hain kan mawipui hle thin a, hei bakah hian kan tawng hi kan hnam min phuarkhawmtu a ni a, Mizoram anga ram chhunga cheng te'n tawngkhat an hmanna hi khawvel ang pawhin a tamlo a , tawng dang kan thiam hle a nih pawhin kan tawng hi kan hnualsuat a thianglo a, kan chawinung zel tur a ni tiin Zofa hmun hrang hranga chengte pawh kan tawng Mizo tawng hian min phuar khawm zel rawh se a ti.

Kut Pa hian kan hnam hian chimral maite kan hlau thin a, mihring tamah kan chhehvela ram leh hnamte kan tluklo hle a, tluk theihna kan neih Aia upa zahna, taimakna, rinawmna leh finna hmangin kan ram leh hnam hi dinhmun tha tak ah kan dah zel thei a ni tiin kan ram neih chhun duatna chang hriaa inrem taka khawsa zel turin kalkhawmte a sawm a ni.

Kut thlengtu Pu Vanlalchhunga Chhangte pawhin thusawiin kut hmang tura kalkhawm mipuite, kut hlawhtling taka hman a nih theih nana thawktu zawng zawngte chungah lawmthu sawiin kut thupui Zo nun ze mawi, inremna vawng nung chunga hlim taka kut hmang turin a chah bawk a ni.

Vawiin Chapchar kut hmanna hunah hian Mamit khawpui chhunga YMA Branch hrang hrang te'n cheraw kan pui an entir a, mizo hnam lam chi hrang hrangte YMA Branch hrang hrangte bakah MHIP, MCO atang te'n an entir bakah zaithiam te'n zaiin mipui an awi a ni.

Vawiin Chapchar kut hmanna hi Mamit khawpui chhung bakah District chhung leh pawn atangin zaithiamte an tel a ni.