Vawiin khan I&PR Conference Hall, Mamit-ah District Child Protection Unit (DCPU) leh Social Welfare Department, Mamit District buatsaihin Mamit khaw chhunga Child Care Institution (Home)-a naupang enkawltute tan In-house training neih a ni. 

He Training-ah hian Pi Gracy L.Bawihtlung, Chief Judicial Magistrate, Mamit District, Principal Magistrate, JJB ni bawk chuan 'Crimes against Children' tih thupui hmangin zirtirna a pe a. Naupangte chunga dan bawhchhiatna leh hleilenna hrang hrang thleng thin chu thil lungchhiatthlak tak a nih thu leh dan bawhchhiatna thlentute chu nu leh pa, puitlingte leh naupang vekte pawh an nih thu a sawi. Naupangte chunga dan bawhchhiatna hrang hrang piahlamah Mizo te'n kan ngaihthah leh enkan thin chungchangah zirtirna a pe bawk. 

Pu Zonunsanga, SDPO, Mamit pawhin 'The role of Professional Child Care provides in relating to Police' tih thupui hmangin zirtirna a pe a. Mizoram Population ngaihtuaha POCSO Case  san thu leh Mamit District bikah pawh a san thu sawiin, mipui te'n naupangte chunga dan bawhchhiatna a thlen thulha Report nachang an hria chu lawmawm a tih thu a sawi bakah Human Trafficking chu tunlaia a hluar tawh em avangin Home enkawltute hemi kawnga fimkhur lehzual turin a chah a ni. 

Dr.R.Lalrinhlua, District Child Protection Officer, Mamit chuan Home enkawltute hnenah fuihna thu sawiin an mawhphurhna theuhte hre thar leh turin a chah bawk. 

Vawiin Training-ah hian Mamit District chhunga Home enkawltute an tel tha hle a ni.