Vawiin khan D.C Conference Hall, Mamit ah 11th Civil Service Day 2017  chu hman a ni a, Pi Lalbiaksangi District Bawrhsap chu khuallian a ni. 

Pi Lalbiaksangi District Bawrhsap chuan Civil Service Day hman a nihna chhan ang ngei a, ram hmasawnna tura theihtawp chhuah tura in hlan thar theuh turin kalkhawmte a sawm a, Mamit khawpui chhunga Civil Service te chu theihtawp chhuaha ram leh khawtlang tana ngaihtuahna senga hna thawk tura fuihin,  ram hmasawnna tura tihdan tha zawk leh ruahmanna nei tura ngaihtuahna seng turin a chah bawk. 

Pu H. Lianzela, Addl D.C pawhin thu sawiin India ram hmun dangte ruala Civil Service Day hman a nih thu tarlangin kum 2006 atangin kumtin he ni hi hman a nih thu a sawi. 

He hun hi Pi H. Lalchhandami SDO (S) chuan kaihruaiin Pu H. Lianzela Addl D.C kaihruaina in Mamit khawpui chhunga Department  hrang hrangte atangin  ram leh khawtlang hmasawnna tura hmalakna leh hnathawh dan sawina hun hman niin sawihona neih zui nghal a ni. 

Pi Lalbiaknungi, Superintendent D.C Office chuan lawmthu sawina a nei bawk a ni.