Mizo Feature Film ‘FAVANG’ tih chu vawiin khan I & PR Director, Pi Lalnithangi chuan a tlangzarh. 

Tlangzarhna inkhawm hi I & PR Department Auditorium ah Mizoram Film Development Society in a buatsaih a. Film tlangzarhna  neih paha thu sawiin Pi Lalnithangi chuan, Mizo Film tha tam tak a chhuak ta a, vawiina FAVANG film tha tak, chhungkua a en ho atana him release theiha peih a ni hi a lawmawm hle a ni a ti a. Film hi hnamzia leh hnam ro vawn nun nan te, ram leh hnam inkara inlaichinna siam nante hmanraw pawimawh tak a ni, a ti a. Theatre pakhatmah nei lova kan awm hi I & PR Department in ‘Lianchhiari Run’ a sak hunah chuan veng hrang hranga projector pu kuala film show thin te pawh a tihbo ngei a rin thu a sawi a ni. 

Pi Lallianpuii, Nodal Officer pawhin thu sawiin, film hi public relations siam nana hmanraw pawimawh tak a ni a. Film siamtute i tang sauh sauh ang u, a ti a. Vantlang tana film chhuah thin dan pawh mumal zawka la kalpui tum a ni a ti. 

Pu Lalawmpuia Khiangte, Vice President, MFDS pawhin thu sawiin, FAVANG film hi chhuah zui nghal a ni.