969/2025-2026

Dated: Mamit the 27th of June, 2025 : Vawiin khan LAD Conference Hall, Mamit-ah “Clean Ward, Green Ward Competition”neih a lawmman sem a ni a, Pu K.Laltlawmlova, District Bawrhsap chu Khual lian  niin a hmanpui.

Mamit khawpui chhunga Village Council paruka veng fai ber inelna kalpuiah lawmman pakhatna Chhimveng VC te'n dawngin Rs 30,000 leh certificate hlan an ni a,pahnihna Venghlun VC-Rs 20,000 leh certificate leh pathumna Hmar Veng VC-Rs 10,000 leh certificate te hlan an ni a, VC dang te hnenah consolation certificate hlan an ni bawk.

Faina beihpui thlakna atana Area Level Federation (ALF) te'n hma an lakna report ngaihthlak a ni a, Mamit khawpui chhungah hian Self Help Group ALF pathum awmin Luangliam ALF, Taitesena ALF leh Hmar veng ALF te niin Best Performer-ah Hmar veng ALF te thlan an ni.

Vawiin “Clean ward, Green Ward Competition” lawmman semna hun hi Pu Lalrindika Sailo, Chairman Jt. VC chuan a kaihruai a, Pi R. Lalhmangaihzuali, DUDO chuan result puanna hun a hmang.