No.7918/2020-2021

Mamit 25th March, 2021 : Vawiin khan Mamit Chhimveng YMA Hall-ah District Civil Supplies Office leh Mamit District Consumers Organisation bultumin Consumer Awareness Campaign hman a ni a. Dr. Lalrozama, IAS, District Bawrhsap chuan khuallian niin a hmanpui.

Dr. Lalrozama chuan thil lei leh hralh thu-ah dan kan hriatchian a pawimawh thu sawiin consumer tih hian mitin min huap a, dawrkai thil zuartute pawhin an dawra an zawrh loh mamawh dang an neihte,  hmundang atanga an lei emaw lak a ngaih ve tho avangin kan zavai hian consumer kan nih vek thu sawiin, chuvang chuan kan right kan hriat chiana, chik leh uluk taka kan thil lei leh hralhah kan fimkhur a tul thu a sawi.

District Bawrhsap chuan Consumer-te chuan kan lungawina ngei kan lei leh hralh chu danin min phut avangin dan hnuaiah kan chanvote kan inhriatchiana, kan zir thar chu a pawimawh takzet thu a sawi a. Kan lei mai nilo kan thilsiamchhuah ramdang/hmundanga kan hralh chhuah turte pawh midangin lungawi taka an lei duh ngei theihna turin a siam kum leh a hman theih hun chhung tarlan tel thlapte chu kan hmasawnna tur a nih thu a sawi bawk.

Consumer Awareness Campaign-ah hian Pu H. Lalramliana, Vice President MDCO chuan thil lei leh hralh thu-a hriat tur hrang hrangte leh mipuite chanvo hrang hrang zirtirna a nei bawk.

He hun hi Pu Lalthanmawia, District Civil Supplies Officer (DCSO) Mamit chuan kaihruaiin kalkhawmte atangin sawihona leh zawhna leh chhanna hun hman a ni a. Pu Laldawngzela, Junior Account Officer, Mamit chuan lawmthu sawina a nei bawk a ni.

Consumer Awareness Campaign-ah hian Mamit khawpui chhunga mipuite'n kan dawr thin Sawrkar Department, Tlawmngai pawl aiawh, khawtlang hruaitute leh dawrkaite an tel a ni.