No.7919/2020-2021

Mamit 25th March, 2021 : Vawiin khan I&PR Conference Hall, Mamit-ah Jal Jeevan Mission (JJM) hnuaiah Field Test Kit hman dan leh Online-a Report pek dan (Practical Training) neih a ni.

He hunah hian Pu Lalchungnunga, Lab. Attendance, District Laboratory, PHED Mamit chuan Field Test Kit hman dan zirtirna pein Pu H. Vanlalchhuanawma, Data Entry Operator, District Laboratory, PHED Mamit chuan IMIS Online Report chungchangah zirtirna a pe bawk.

He Training buatsaih a nih chhan hi zirlai naupangte leh Anganwadi naupangte'n tui thianghlim in tlak ngei an in theihna tura buatsaih a ni a. Tun dinhmunah Mamit District Laboratory hnuaiah hian W.Phaileng leh Zawlnuam Laboratory-te a awm mek a ni.

He hun hi Pu P.C Zohmingliana, Bacteriologist, District Laboratory, PHED Mamit chuan kaihhruaiin Mamit District chhunga Middle School zirtirtu leh Anganwadi Workers sawmbikte an tel a ni.