3837/2023-2024

Mamit 15th February, 2024 : Vawiin khan Chhimveng YMA Hall, Mamit-ah Administrative Training Institute (ATI) leh Mizoram Consumers' Union tawngkawpin Consumer Awareness Campaign neih a ni.

Vawiin campaign-ah hian Pu C. Laldawngliana, Vice President, MCU General Hqrs.chuan zau taka zirtirna pe-in, Consumer-te chanvo leh dan hnuaia thiam channa kan neih hrang hrangte Consumer-ten kan dikna leh chanvo neih hrang hrangte hriatchian, kan thil lei leh service hmante a nihna chiang taka hriat, cash memo/receipt dil thin etc, Online-in edaakhil.nic.in ah engtik lai pawhin complain theih chungchangahte zirtirna pe-in, thil leitute'n dan kan hriat loh avanga kan chan tamtakte, huaisenna leh nachang kan hriat loh avanga mipuiin kan tawrhna awm thei hrang hrangte a tarlanga, heng ang hun a lo thlena thuneihtute hnenah zualko dan turte tarlangin, Mamit khawpui chhunga chengte pawhin heng kan chanvo hrang hrangte hi kan hriat a tul a, dan kan hriat chuan kan huaisen dawn a, kan ngaihven a, kan chik a tul a ni tiin, dan hnuaiah dik takin thil kan leiin kan hralh thin tur a ni a ti.

He hun hi Pu B. Tlangdingliana, Assistant Director, ATI chuan kaihruaiin Pu F.L Rinngheta, President, MCU Mamit District chuan lawmthu sawina a nei bawk.

Vawiin Awareness Campaign hi session hniha then niin he hunah hian Consumer nena inkaihhnawih Department bakah Mamit khawpui chhung veng paruka, MUP, MHIP, YMA hruaitute, District huap Sub Hqrs YMA, MUP, MHIP hruaitute, dawrkai, Retailer, Mamit College Consumer Union leh sawmbikte an tel a ni.