Vawiin khan Mamit DC Conference Hall-ah Mamit DC Pu Vanlalngaihsaka hovin World Consumer Rights Day pualin hun hman a ni.

Pu Vanlalngaihsaka chuan March 15,1983 atanga Consumer Rights Day hi hman tan a nih thu sawiin, kumin ah Consumer Rights Day hi Pathianni a nih avangin a ni taka hman theih a nih loh thu a sawi a.Consumer ten kan chanvo kan hriat zualna atan leh venhimna atan he hi hman thin a nih thu sawiin, tun kumah pawh Mamit District mipui ten hlawk zawka kan hman theih nan he ni pual hian inkawm khawmna hun hi buatsaih a nih thu kalkhawmte a hrilhin, hun hlawk thlak tak an hman a beisei thu a sawi a. Kalkhawmte chu mahni theih chin zelah midangte bengvartu ni thei turin a chah a ni.

He ni puala inkawm hona hun buatsaihah hian electric bill, power supply, tui bill, tui connection, kawngpui, tuialhthei, buhfai, gas, damdawi, zirna leh dawr hawn chungchang thil hrang hrang sawi ho niin, consumer ten an hriat atana thil tangkai leh zawm tur te sawiho a ni a. Hriatfiah tawk loh zawhna leh chhanna hun te hman a ni bawk. Hei bakah Consumer ten tangkai lehzuala an hman theih nan District Forum chu tha thar a kalpui ni se tih te sawiho a ni.

Vawiin inkawmhonaah hian Mamit district chhunga sawrkar department hotu, NGO hrang hrang, MJA, Mizofed te leh Consumer Union aiawh te an tel a ni. Sawihona hi Mamit District mipui mimir ten an lo hlawkpui theih zawk nan Cable operator ten an pe chhuak dawn a ni.