No.6337/2020-2021

Mamit 23rd, October,2020 : Vawiin khan Dr. Lalrozama, IAS, District Bawrhsap hovin a Office Chamber-ah Mamit District chhunga 'Covid - 19 No Tolerance Fortnight' hman dan tur rela thutkhawm a ni.

Meeting-ah hian Covid - 19 hridarh zel laka mipuite kan him theihna tur leh he hri pung chho mek do let tura Mizoram Sawrkar-in No Tolerance Fortnight chawlhkar hnih (26th October atanga 9th November, 2020) chhung hman tur chungchanga thuchhuah a neih angin Mamit District chhunga kalpui dan tur sawiho a ni a. Sawrkar Department hrang hrangte atanga Covid -19 Executive Duty tur thehlut tura tih an nih anga an thehluhte chu Mamit SP-in a tul leh mamawh dan a zirin Law Enforcement te pui turin a hman theih dawn thu meeting-ah hian tarlan a ni a. Heng bakah hian District chhunga VLTF zawng zawngte chu Activate-a, chawlhkar hnih chhung hi chuan khauh leh zuala dan lekkawha, mipuite mask vuah tha lo, Social Distancing zawmlo te leh dan lo a puipunna buatsaih tute chu ngaihnathiamna awm lova dan anga hrem tura tih an ni.

Meeting-ah hian kutsil fai uar lehzual tur leh a tam thei ang ber Covid - 19 chungchang mipuite hnenah zirtirna kalpui nise tih a ni bawk a. Heng bakah hian State Level-a Meeting neih mek thuchhuak zulzuiin No Tolerance Fortnight hi Mamit District chhungah kalpui nise tih a ni bawk.

District Bawrhsap chuan Mamit District mipuite chu No Tolerance Fortnight hi mipuite kan him tlanna turin tha taka zawm turin a chaha, hrileng laka kan him theihna tur hian mahni zawn theuha theihtawpa tan la thar tur leh dan leh thupekte zawm turin a ngen a ni.

Attachment

  • Loading attachment...