2321/2022-2023
Mamit 14th October, 2022 : Nimin khan Siamliana Hall, Mamit-ah Mizoram State Legal Services Authority leh District Legal Services Authority tangkawpin an buatsaih Legal Awareness Campaign on "Menace of Drugs & Eradication of Drugs Abuse" neih a ni a. Hon'ble Mr. Justice Michael Zothankhuma, Judge, Gauhati High Court, Executive Chairman, Mizoram State Legal Services Authority ni bawk chuan khuallian niin he hun hi a hmanpui.

Khuallian chuan ruihhlo laka fihlim a tulzia sawiin kan ram leh hnam ruihhloin a tihchhiat phal lo turin kalkhawmte a chah.

He huna Resource Person Pu Peter Zohmingthanga, Asst. Commissioner, Excise & Narcotics Department (Headquarters) chuan ruihhloin mihring nun, chhungkua leh khawtlang nun a nghawng dan chipchiar takin a tarlang bawk.

He hun hi Pu Vanlalena, Member Secretary, Mizoram State Legal Services Authority-in a kaihruai a. Pu Lalnunhlua, Mamit District Bawrhsap, Sorkar Officials leh khawtlang hruaitute, Excise & Narcotics Department leh Police Department bakah Zirlai naupangte an tel a ni.