2289/2025-2026

Dated: Mamit the 19th of November, 2025: Vawiin khan DC Conference Hall, Mamit-ah Pu K Laltlawmlova,District Bawrhsap hovin District Consultative Committee (DCC), District Level Review Committee (DLRC) an thukhawm a,kum 2025 September Quarter ending chhunga Mamit District-a bank hrang hrangte hmalakna thlirletna leh hmasawnna tur awmte sawiho a ni.

Bank hrang hrang atanga an hmalakna leh thlen chin agenda point 14 atanga thlirhona neih a ni a. September 2025 quarter ending thleng PMJDY hnuaiah Mipa 16963 leh Hmeichhia 21109 an vaiin 38072 an awm a, PMJJBY Enrollment ti thar 4409 leh Renewal 17015 an awm a, PMSBY ah enrolment ti thar 7892 leh renewal 33842 awmin, APY hnuaia enrolment ti thar 269 an awm bawk. Financial Literacy Camps Bank hrang hrang 13 atangin vawi 67 neih a ni.

Mamit District chhunga Bank hrang hrangte September Quarter-a Credit Deposit Ratio hi 76.11 % a ni a, nikum September 2024 khan 76.93% a ni.

Thutkhawmnaah hian District Credit Plan (DCP) thlirho ni bawkin Agriculture hnuaiah 15.83%, MSE 20.74%, Other PS 25.34% niin a vaiin 17.79% a ni a, a pumpuia target 26090.94-ah 5204.94 achieved a ni.Heng bakah hian MUDRA Loan, KCC Loan, Bank hrang hrang te'n an pek chhuah dan zirchianna neih a ni.

Thutkhawmah hian Bank hrang hrang te'n an target an phak lohna chhan sawiho a ni a, harsatna awmte chinfel dan kawngte sawiho niin, bank venhimna pek kawngah Bank harsatna nei an awm loh thu tarlan a ni bawk.

Pu Thuamzamung Tunglut, Lead Bank Manager, Mamit bakah Line Department te leh Mamit District chhung bank aiawhte an tel a ni.