Vawiin khan DC Conference Hall, Mamit-ah Dr. Lalrozama, IAS, District Bawrhsap hovin District Consultative Committee/ District Level Review Committee/ District Level Security Committee thutkhawm a ni a. September 2019 Quarter ending-a Mamit District chhunga Bank Branch hrang hrangte hnathawh dan dinhmun thlirho a ni.

Meeting-ah hian District Bawrhsap chuan Mamit District tana National Bank for Agriculture and Rural Development (NABARD) buatsaih Potential Linked Credit Plan 2020-21 chu a tlangzarh a. Mamit District chhunga Bank Branch hrang hrangte'n loan chi hrang hrang an pekchhuah dan thlirho nghal a ni. 

September Quarter chhunga Mamit District chhung Bank hrang hrang Credit Deposit Ratio thlirho niin CD Ratio hi 45.85% a ni. Annual Credit Plan hnuaia Loan hrang hrang Agricultural Loan, MSME Loan, Education Loan, Housing Loan, Infrastructure Loan, Self Help Group leh JLG Loan dinhmun belhkhawm hi 16% a ni.

Meeting-ah hian September 2019 thlenga Pradhan Mantri Employment Generation Programme (PMEGP) hnuaia Loan pekchhuah dan tarlan niin Mamit District chhunga Bank 9-te'n Loan 18 pe chhuakin Rs 55.45 Lakhs a ni a. Hei bakah hian mipuite hamthatna tur Schemes hrang hrang Pradhan Mantri Suraksha Bima Yojana (PMSBY) hnuaiah Loan 421 pekchhuah niin Pradhan Mantri Jeevan Jyoti Bima Yojana (PMJJBY) hnuaiah Loan 340 pekchhuah a ni a. Atal Pension Yojana (APY) hnuaiah Loan 6 bakah Pradhan Mantri Mudra Yojana (PMMY) hnuaiah Loan mi 95 hnenah Rs 202.20 Lakhs pekchhuah anih thu tarlan a ni a. Kisan Credit Card (KCC) Loan pawh mi 95 hnenah Rs 87.40 Lakhs pekchhuah a ni a.

Area Development Scheme (ADS) hnuaiah Piggery Loan mi 92 hnenah Rs 112.00 Lakhs pekchhuah a ni.

Meeting-ah hian Bank tinte venhimna hrang hrang Security Guards, CCTV, Fire Extinguisher, Alarm System chungchang bakah hmasawnna tur kawng hrang hrang sawiho a ni bawk.

Vawiin thutkhawmah hian RBI aiawh, NABARD hotute bakah Mamit District chhunga Bank hrang hrang aiawhte bakah line Department-te an tel a ni.