Vawiin khan DC Conference Hall, Mamit-ah Dr. Lalrozama, IAS, District Bawrhsap hovin District Consultative Committee/ District Level Review Committee/ District Level Security Committee thutkhawm a ni a. December 2019 Quarter ending a Mamit District chhung Bank hrang hrangte hnathawh dan dinhmun thlirho a ni.

Meeting kaihruaitu District Bawrhsap chuan meeting tura kalkhawmte chungah lawmthu a sawi a. Financial inclusion chu Aspirational District tehfung pawimawh tak a nih thu sawiin Bank hrang hrangte chu Financial Literacy Campaign (FLC) lamah thahnemngai taka thawk turin a chah.

Meeting-ah hian December quarter chhunga Mamit District chhung Bank hrang hrangte Credit-deposit Ratio thlirho niin 43.59% a ni a. September Quarter ending ai khan 2.26% in a hniam a ni. Hetianga CD Ratio in hniam lam a pan chhan hi Bank Branch thenkhatin pawisa deposit an dawn hnem vang anih thu Meeting-ah hian tarlan a ni a. Mamit District chhunga Bank 9 zingah MRB Kanhmun CD Ratio hi sang berin 77.41% a ni.

Aspirational District Programme Financial Inclusion hnuaia Mudra Loan hrang hrang hnuaiah Rs 123 lakhs pek chhuah tawh ni-a tarlan a ni a. Prandhan Mantri Jeevan Jyoti Bima Yojana (PMJJBY) hnuaiah mi 4863 inziak lut awmin Atal Pension Yojana (APY) hnuaiah mi 336 an inziak lut a ni. Pradhan Mantri Jan Dhan Yojana (PMJDY) hnuaiah mi 26730 te'n Account an hawn tawh thu meeting-ah tarlan a ni bawk.

Vawiin Meeting-ah hian December quarter chhunga Priority Sector advances chu 27.48% niin non priority sector advances hi 48.94% ni-a tarlan a ni.

Mamit District chhunga Bank hrang hrangte Loan pekchhuah dan dinhmun thlirho niin loan pekchhuah zawng zawng belhkhawm chu Rs 46 lakhs a ni a. Transport Operator Loan hnuaiah Rawpuichhip Branch MRB chuan Rs 21.60 lakhs pein Bank mala pe chhuak tam ber a ni.

Pradhan Mantri Employment Generation Programme (PMEGP) hnuaiah mi 19 hnenah Rs 58.9 lakhs loan pekchhuah a ni a. Reiek MRB Branch chu loan pe chhuak tam ber niin mi 10 hnenah Rs 23.75 lakhs a pe chhuak a ni. Bakijai Case (Loan chhia inremsiamna) hnuaiah tun quarter-ah khan MRB Reiek chuan Case 4 Rs 3.45 lakhs neiin report a ni a. Tun quarter chhungin he case chungchang hi chinfel a la nih loh thu tarlan a ni. Kisan Credit Card (KCC) hnuaiah December quarter ending thleng khan mi 99 hnenah Loan Card Rs 87.7 lakhs pekchhuah a ni a. Kisan Credit Card Scheme-ah hian Animal Husbandary leh Fisheries te a thara huam teltir an nih thu meeting-ah hian tarlang a ni a. National Livestock Mission (NLM) hnuaiah Vawkpui Loan subsidy 50% thleng hmuh theihna report ngaihthlak a ni bawk.

Bank tinte venhimna chungchang sawiho niin MRB Mamit Branch te'n Alarm system chhiat thu an report bak thil dang harsatna sawi an awm lo a ni. Pawisa fai chelek (Currency Crisis) nghal mai tur awm loh chungchangah Mizoram Cooperative Apex Bank, Mamit chuan harsatna an tawh thu an tarlang ve bawk.

Vawiin meeting-ah hian Committee Members te an tel tha hle a ni.