1627/2022-2023
Mamit 16th August, 2022 : Vawiin khan DC Conference Hall, Mamit-ah Pu Lalnunhlua, District Bawrhsap hovin District Consultative Committee/ District Level Review Committee/ District Level Security Committee thutkhawm a ni a. March 2022 Quarter ending a Mamit District chhung Bank hrang hrangte hnathawh dan dinhmun thlirho a ni.

Meeting kaihruaitu District Bawrhsap chuan meeting tura kalkhawmte chungah lawmthu a sawiin Bankers-te chu mipui tana hnathawk an nih angin theihtawp chhuah zel turin a sawm a, mipui Loan latute pawhin kan loan lak te a nihna tur ang taka hmanga, tha taka loan rul turin a ngen bawk.

Meeting-ah hian March 2022 CD Ratio 69.2% tarlan a ni a. Social Security Schemes, March 2022 hnuaia enrolment hrang hrang thlirho niin PMJDY ah enrolment mi 29249 awmin, PMJJBY ah mi 12869 an awm a, PMSBY ah mi 21324 enrolment an ni. APY ah mi 663 enrolment a ni bawk. District chhung mipuite population ngaihtuahin enrolment hi ala tlem avangin Bank hrang hrangte chu tan la turin District Bawrhsap hian a hrilh nghal a ni.

Vawiin meeting-ah hian tun Quarter chhunga Financial Literacy Camp vawi 15 neih a nih thu tarlan niin, RBI duh dan angin Bank tinte chu hei aia tam Literacy camp hi nei tur leh thlakhatah vawikhat tal nei thin turin meeting chuan a ti a ni.

Vawiin vek hian One Day Sensitazation Meet for Bankers hun hman nghal a ni a. JD. Traite, District Development Manager NABARD Kolasib leh Mamit Bialtu chuan an hnathawh hrang hrang a lem nen entirin Bankers-te leh Line Department-te hriattur hrang hrang tarlangin zawhna leh chhan hun hman nghal a ni.

Vawiin meeting-ah hian District Manager RBI leh Committee Members te an tel tha hle a ni.