2183/2022-2023
Mamit 4th October, 2022 : Vawiin khan DC Conference Hall, Mamit-ah Pu Lalfakzuala, Addl. DC hovin District Consultative Committee/ District Level Review Committee/ District Level Security Committee thutkhawm a ni a. June 2022 Quarter ending-a Mamit District chhung Bank hrang hrangte hnathawh dan dinhmun thlirho a ni.

Meeting kaihruaitu Addl. DC chuan meeting tura kalkhawmte chungah lawmthu sawiin Bankers-te chu mipui tana hnathawk an nih angin theihtawpchhuah zel turin a sawm a, mipuite pawhin anihna tur ang taka Bank chhawr tangkai chhunzawm zel turin a chah bawk.

Meeting-ah hian August Ni 16, 2022-a DCC thutkhawma thurelte thlirletna neih a ni a. Quarter hman liam takah hian Financial Literacy Camp vawi 19 neih a ni. Mamit District chhunga khaw 10-ah Bank branch 12 awm mekin District chhung thingtlang khua mipui 2000 tling lo, Bank Branch awm lohna hmun khaw 79-ah mipuiin pawisa an lakchhuaha an dahluh theihna, Bank anga an hman theih turin khaw 65 te Business Correspondence (BC) a tuam mek a ni a, khaw 9 te India Post Payments Bank (IPPB) a tuam mek a ni bawk. Khaw panga, Dilzawl, Saitlaw, W. Serzawl, Silsury leh Hnahva khuaah erawh hmalakna kalpui a la nih loh thu tarlan a ni a. Heng khua-ah te hian hmalatu tur Bank Branch thlan nghal a ni.

Meeting-ah hian Bank Business leh Credit Deposit Ratio dinhmun sawiho niin June quarter chhunga CD Ratio hi 74.11% a ni a. District Credit Plan (DCP) hnathawh dan thlirletna neih niin Priority Sector leh KCC Loan pekchhuah dan thlirho nghal a ni bawk.

Vawiin meeting-ah hian Pi C. Lallawmkimi, Lead Bank Manager, Aizawl, JD. Traite, DDM, NABARD, Kolasib/Mamit bakah Committee Members te an tel tha hle a ni.