2647/2022-2023
Mamit 14th November, 2022 : Vawiin khan DC Conference Hall, Mamit-ah Pu Lalnunhlua, Mamit District Bawrhsap hovin District Consultative Committee/ District Level Review Committee / District Level Security Committee thutkhawm a ni a. September 2022 Quarter chhunga Mamit District chhunga Bank hrang hrangte hnathawh dan thlirho a ni.

Meeting-ah hian Social Security Schemes hrang hrang tarlan niin pawisa chawi awm lo (0 balance) a Account hawnna Pradhan Mantri Jan Dhan Yojana (PMJDY)-ah Mipa Account nei 12989 awmin hmeichhia 16995, an vaiin 29984 an awm mek a. Pradhan Mantri Jeevan Jyoti Bima Yojana (PMJJBY) hnuaiah Enrolment 16983 awmin PMJJBY hi kumtin Insurance Premium Rs. 436/- chawia in-register theih a ni a. He Scheme-a in-register te chu eng natna vang pawha an thihin an thih hnuah an Nominee te'n Cheng Nuai 2 thleng an dawn theihna Scheme a ni. Pradhan Mantri Suraksha Bima Yojana (PMSBY) hnuaiah Enrolment 33638 awm mekin kumtin Rs. 20/- chawia in-register theih a ni a. PMSBY hi Accidental Insurance niin Accident thil avanga an boralin Nominee te'n hamthatna cheng Nuai 2 thleng an dawn theihna a ni. Atal Pension Yojana hnuaiah Kum 18-40 tan inregister theih niin tunah hian 705 in-register tawh an awm mek bawk. Heng Social Security Schemes te hi Account neih dan atanga chhutin kan la ngaipawimawh tawk lo niin a lang a. Bank Account nei zawng zawngte in-register nachang hria a, ngaipawimawh theuh turin meeting chuan mipuite a ngen bawk.

Meeting-ah hian Credit Deposit Ratio (CD Ratio) tarlan niin September Quarter chhunga CD Ratio chu 74.56% a ni a. Bank Loan hrang hrang pekchhuah dan thlirho nghal a ni bawk.

Vawiin meeting-ah hian Pu Lalnunhlua, District Bawrhsap chuan Potential Linked Credit Plan, 2023-24 a tlangzarh nghal a. Potential Linked Credit Plan hnuaiah hian Rs. 10220.67 lakhs ruahman a ni.

Vawiin thutkhawmah hian Pi Lalengmawii, Lead District Manager, RBI Representative bakah DCC Committee Members te an tel tha hle a ni.