2648/2022-2023
Siaha; the 14th November,2022: Vawiin chawhma khan District Child Protection Unit,Siaha te buatsaihin MYA Multipurpose Hall, New Siaha-ah Children's Day -2022 lawmna Programme hman a ni. Hemi hun hi Pu J.Beikiasa,EM(SWD),MADC,Siaha leh Pu VL Lura Hauzel, MPS, SP, Siaha te'n khuallian leh khualzahawm niin programme an hmanpui.

Khuallian Pu J. Beikiasa chuan Children's Day 2022 changtlung leh hlimawm taka hmanna programme-a a tel ve thei chu lawmawm a ti thu sawiin, programme buatsaihtu DCPU,Siaha staff te hnenah pawh lawmthu a sawi bawk.

Pu J.Beikiasa chuan Zirlai naupang kalkhawm te chu fuihin, Hlawhtling tur chuan Taimakna kawng zawh a ngai, kawng dang emaw short cut kawng emaw a awm lo, a ti.

Boruak muanawm leh hrisel tak hnuaia zirna tha dawn, thanlen leh hmasawn hi kan zirlai naupang te chanvo diktak, India danpuiin a pek thlap a ni, tih hria a, chutiang Chanvo chu kan naupang ten an dawn ngei theih nan Zirtirtu te leh Zirlai Naupang nu leh pa ten theitawp chhuaha tan kan laka, kan thawhho a ngai a ni; tih vawiin Children's Day kan hman hian a tharin min hriat nawn tir leh mawlh rawh se, a ti.

Khualzahawm Pu VL. Lura Hauzel, SP Siaha pawhin thu sawiin, Children's, Day, 2022 a Khualzahawm an sawm avangin lawmthu sawiin, naupang te bula hun hman chu a thil nuam tih ber pakhat a nih thu a sawi. Pu Lura chuan naupangte hi enkawl uluk an ngai hle a, mi puitlinga chherchhuak tur chuan an naupan tet atanga kan vil uluk hle an ngai a, an tui zawng, an thian kawmte bakah an nitin hun hman dan pawh hriatsak a tul hle a ni, a ti.

Vawiin Programme hi Pu Teddie T.Lalnunrema,PO(NIC) DCPU in kaihruaiin; Major S. Lalrampuia, CO, Salvation Army Centenary Corps ,Siaha in hunserh a hmang a. Pi Laltlanmawii, DCPO, Siaha chuan kalkhawm te chawnglawmna thu a sawi.

Joel Public School, New colony, Little Angels Pre-School New Siaha, Adventist English Academy, New Siaha, Presbyterian English School, New Colony, Grace Children Home, College Vaih,Orphanage Boys' Home, ECM Vaih, ECM KHP Branch, College Vaih, Judy Hat Vanlalmalsawmi, New Siaha ,Tv. T. Laldinthara leh Travis Chatha T. Azyu te atangin Special item hmuhnawm tak leh zai mawi tak ngaihthlak a ni bakah, School naupang kalkhawm te'n intihlimna item hrang hrang hmangin an infiamin, an intihlim hlawm a ni.

Pu Isaac Lalmuanpuia, Social Worker, DCPU in lawmthu sawina hun  hmangin vawiin programme hi a khar a ni.