2649/2022-2023
Lunglei Dated 14th November, 2022 : Vawiin chawhma khan Zotlang mual Lungleiah District Child Protection Unit, Women and Child Development, Lunglei te buatsaihin Naupangte ni (Children’s Day) puala siam Children’s Carnival hawnna hun hman a ni.

Children’s Carnival hawnna hi Pi Lalrinkimi Hmar District Child Protection Officer Lunglei, chuan kaihruaiin Pu Kulothungan A, IAS Deputy Commissioner Lunglei chuan khuallian niin a hmanpui.

Pu Kulothungan A, IAS DC Lunglei chuan vawiin Pandit Jawaharlal Nehru pian champha puala hman thin Children’s Day a naupangte tana Carnival buatsaih tu District Child Protection Unit, Women and Child Development, Lunglei te chungah lawmthu a sawi a. Naupangte dikna chanvo humhalh sak hi mitin te mawhphurna a ni tih hriaa, a bikin nu leh pa te phei chuan kan fate hriselna kawng thlenga nasa taka tan kan laksak a pawimawh hle a ni a ti a. Children’s Carnival chu Lunglei District naupangten hlim taka an hman theihnan duhsakna a hlan a ni.

Pi Malsawmzuali Zadeng, Coordinator, Child Line, Lunglei leh Pi PC Laldingpuii, Protection Officer (IC),DCPU Lunglei te pawhin thusawina hun an hmang a. Pu Joseph Vantluanga Accountant, DCPU, Lunglei chuan lawmthu sawiina hun hmangin Children’s Carnival hawnna hun khar a ni.

Children’s Carnival ah hian naupangte tana in tih hlimna hrang hrang buatsaih niin ni 16.November, 2022 ah Lunglei Gov’t College ah hman leh tur niin ni 19 November,2022 ah Sethlun, Helipad ah hman leh tur a ni bawk ang.