1673/2023-2024

Mamit 28th August 2023 : Vawiin khan DC Conference Hall, Mamit-ah Pu V.Laldinsanga, Additional DC hovin District Consultative Committee/ District Level Review Committee/ District Level Security Committee thutkhawm a ni a. June 2023 Quarter ending a Mamit District chhunga Bank hrang hrangte hnathawh dan dinhmun thlirho a ni.

Meeting kaihruaitu Pu V.Laldindanga chuan meeting tura kalkhawmte chungah lawmthu a sawiin Bankers-te chu mipui tana hnathawk an nih angin theihtawp chhuah zel turin a sawm a, mipui Loan latute pawhin kan loan lak te a nihna tur ang taka hmanga, tha taka loan rul turin a ngen bawk.

Meeting-ah hian June Quarter 2023 Credit Deposit Ratio 72.38 % tarlan a ni a. Social Security Schemes, June Quarter 2023 hnuaia enrolment hrang hrang thlirho niin PMJDY leh PMJJBY ah Enrollment a tam thei ang ber neih a nih theihnan tan lak ni se, hemi atan hian Lined Deparment ten Financial Inclusion Campaign neih belh leh zual a tha tih tlan a ni a. Tun dinhmunah hian PMJDY hnuaiah 31313 Enrollment, PMJJBY hnuaiah 15300 Enrollment leh PMSBY hnuaiah 7368 Enrollment an awm tih tarlan a ni a. KCC report hmasawn a nih theihnan mahni hming ngei a mobile number neih a pawimawh zia leh adhaar link dawn a buaina an tawhloh nan tha kut hnathawktute hnenah inhrilh hriat thar uar leh ni se tih pawm tlan a ni.

Vawiin meeting-ah hian tun Quarter chhunga Financial Literacy Camp vawi 31 neih a nih thu tarlan niin, RBI duh dan angin Bank tinte chu hei aia tam Literacy camp hi nei tur leh thlakhatah vawikhat tal nei thin turin meeting chuan a ti a ni.

Vawiin meeting-ah hian Pi Lalengmawii Lead District Manager bakah RBI leh Committee Members te leh Mamit District VC Association, MHIP aiawh te an tel tha hle a ni.