1674/2023-2024

Mamit 28th August 2023 : Mizoram Legislative Assembly General Election neih tura inpuahchahna kal zelah vawiin khan Mamit DC Conference Hall, Inter-Department Meeting neih a ni a. Tluang taka inthlan neih a nih theih nan inthlan kalphung inhrilhhriatna leh sawihona hun hman a ni.

Mamit Bawrhsap, District Election Officer (DEO) ni bawk Pu VL Remliana chuan thu sawiin Mamit District-in inthlan hun pawimawh takah hian kalkhawmte chu an mawhphurhna theuh tha taka hlenchhuak tur leh sawrkar kut ke an nih anga rinawm taka an hna thawk turin a sawm a. Mamit District chhung bikah Kum 2018 inthlan a vote tla aiin 2023 Inthlanpuiah vote tla sang zawk tura tan la turin thawktute a chah a ni. Election Commision of India website vil ngun turin kalkhawmte a chah bawk a ni.

He hunah hian Pu Lalsanglura chuan presentation pein MLA General Election-a Election Team hrang hrang - Election Expenditure Monitoring Team, Static Surveillance Team, Video Surveillance Team, Video Viewing Team, Accounting Team, Complaint Monitoring Control Room and Call Center, EVM Management Team, Postal Ballot Team, Vehicle Management Team, Material Management and Procurement Team, Media Certification and Monitoring Team, Despatch and Receiving Team, Media Cell, Social Media Cell, Sector Officer leh Polling Party-te mawhphurhna sawifiahna hun a hmang a ni.

Meeting hi Mamit Bawrhsap VL Remliana chuan a kaihruai a.  MLA General Election 2023 a mawhphurhna kengkawh tur te meeting ah hian an tel a ni.