1675/2023-2024

Dated Saitual the 28th August 2023 : Vawiin khan Dr. Lalngura Tlau, Deputy Commissioner Saitual hovin Saitual Deputy Commissioner conference room-ah PMAAGY hnuai a village Development plan a hnathawh tur sawihona leh hmalak dan tur chungchang rel a ni.

Vawiin thutkhawmna kaihruaitu Deputy Commissioner chuan tualchhung mamawhna anga ruahmanna siam a tul thu a sawi a. Pradhan Mantri Adi Adarsh Gram Yojana chu Ministry of Tribal Affairs hnuai a Centrally Sponsored scheme a ni a, he scheme in a tum ber chu tribal population tamna khuate chu model village (Adarsh Grams)-ah chantir a, infrastructure leh mamawh bulpui, tui in tur, bawlhhlawh paihna, kawngpui, electric, zirna, leh hriselna enkawlna te pek a ni, a ti.

He thutkhawm ahhian Saitual District chhunga PMAAGY kaltlanga khaw hrang hrang hmasawnna tur ruahmanna te sawiho a ni a. Saitual District ahhian khaw 26 thlan chhuah niin khaw khat atan hian cheng nuaih 20.38 ang zel hmang tura ruahman a ni. He scheme hnuaia project langsar zual vawiin a sawi ho te chu zirna in thawm that, anganwadi sak, hriselna lama hmasawnna, leh infrastructure pawimawh dangte a ni.

Vawiin thutkhawm ah hian hian  Saitual Bawrhsap, ADC Saitual , MO Saitual ,  DEO Saitual leh CDPO Thingsulthliah te an tel a ni.