620/2025-2026

Dated: Mamit 28th of May, 2025: Vawiin khan Taitesena Buk, Mamit-ah Pu K.Laltlawmlova, District Bawrhsap hovin District Consultative Committee (DCC), District Level Review Committee (DLRC), District Level Security Committee (DLSC) thutkhawm a ni a. Kum 2025 March Quarter ending chhunga Mamit District-a bank hrang hrangte hmalakna thlirletna neih a ni.

Vawiin thutkhawm kaihruaitu District Bawrhsap chuan mipui te'n hamthatna leh chanvo an neih te mipuiin an hriat theih nan bank lamte leh department te'n thawhhona tha tak nena hmalak a tul thu a sawi a, hmasawnna kawng pawimawh tak a nih angin tan la turin a chah bawk a ni.

Bank hrang hrang atanga an hmalakna leh thlen chin agenda point 16 atanga thlirhona neih a ni a. March 2025 quarter ending thleng PMJDY hnuaiah Mipa 16499 leh Hmeichhia 20717 an vaiin 37216 t an awm a, PMJJBY Enrollment ti thar 7744 leh Renewal 13620 an awm a, PMSBY ah enrolment ti thar 13073 leh renewal 27085 awmin, APY hnuaia enrolment ti thar 318 an awm bawk. Financial Literacy Camps Bank hrang hrang 13 atangin vawi 28 neih a ni.

Mamit District chhunga Bank hrang hrangte March Quarter-a a Credit Deposit Ratio hi 73.58% a ni a, December 2024 Quarter liamta ah khan 76.95% a ni.

Thutkhawmnaah hian District Credit Plan (DCP) thlirho ni bawkin Agriculture hnuaiah 61.01%, MSE 56.52%, Services 44.12% niin a vaiin 57.41% a ni a, hei bakah hian Crop Loan 65.36% a ni bawk. Heng bakah hian MUDRA Loan, KCC Loan, Bank hrang hrang te'n an pek chhuah dan zirchianna neih a ni a.

Vawiin thutkhawmnaah hian Pu K. Laltlawmlova, District Bawrhsap chuan Annual Credit Plan 2025-2026 hawnna hun a nei nghal bawk.

Pu PC Lalnunpuia, Convener & Lead District Manager, JD Traite, DDM, NABARD, Pu S.Balamurugan, Lead District Officer, RBI,Pu Harish Vedi,AGM,RBI bakah Line Department te leh Mamit District chhung Bank hrang hrang aiawhte an tel a ni.