Mamit September ni 27 Vawiin khan D.C Conference Hall, Mamit-ah District Development Co-ordination & Monitoring  Committee Mamit District chu an Chairman Pu C.L Ruala M.P Lok Sabha leh Co- Chairman Pu Ronald Sapa, Tlau  M.P Rajya Sabha  hovin neih a ni.

Meeting-ah hian Sorkar laipui atanga hmasawnna hna lo kal hrang hrang MGNREGS, PMAY, PMGSY, DDUGJY, NSAP, NRDWP, SBM(G), PMKSY, BADP, MDM/SSA, RMSA/DEO leh NHM atangte a hmalak tawhna leh hmachhawp te thlir ho a ni a. 

Heng hmalakna thlirho ah hian SBM(G) hnuaia hmalakna chu Mamit District chhungah chak taka kalpui zel niin Mamit District pumpuiah Reiek Block chu ni 2 Oct 2017 hian ODF a puan tum niin, W. Phaileng Block leh Zawlnuam Block te chu kumin kum tawp lamah pawnlera inthiar awmlohna ODF a puan tum a ni bawk. MGNREGS hnuaiah Mamit District tan 2017-2018 chhungin ni 52 inhlawhna tur siam tawh a ni a, Pradhan Mantri Awas Yojana (PMAYG)  hnuaiah insak tanpuina 225 sak tura ruahman a ni a, tanpuina dawngtu tur thlan kawngah  social economic and caste census ( SECC) chu duhthu a sam loh avangin he tehfung ennawn a nih theihnan thuneitu sang zawk hnenah thlen tura meeting-ah hian rel a ni. Prandhan Mantri Krishi Sinchayee Yojana ( PMKSY) hnuaiah hian programme pasarih awmin sorkar duhdan (Operational Guidelines) tun aia zawmtha leh zual tura hmala turin thawktute ngen an ni. Pradhan Mantri Gram Sadak Yojona( PMGSY) hnuaia hmalakna thlir ho niin Zawlnuam - Zawlpui kawng siam hna chu zawhfel tep a ni tawh a, Lengpui - Hmunpui kawngsiam hna pawh zawhfel tep a ni tawh bawkin Mamit - Phaizau Road chu contractor thlan fel tawh niin hna tan thuai tum a ni a, W. Phaileng- Damparengpui kawng siam hna pawh zawhfel a nih tawh thu tarlan a ni bawk. 

Meeting hian National Social Assistance Programme (NSAP) hnuaiah tun kum kallai mekah pawisa pekchhuah a la nih loh thu tarlan a ni bawk. 

National Rural Health Mission ( NRHM) hnuaiah hnathawhna tur pawisa duh anga a rawn kal loh avangin hmalak a harsat thu meeting hian atarlan a ni a, Mid Day Meal ( MDM) hnuaiah naupang chhunchaw pek hna kalpui zel niin duhthusama pawisa an dawn loh avangin  harsatna an  tawh thu tarlan tel a ni bawk. Rastria Madhyamik Shiksha Abhiyan (RMSA) hnuaiah zirna in hma a sawn theihnan hmalakna kalpui zel niin Mamit District- ah Shaala Siddhi  hmangin school tih changtlun mek zel a ni a,  heibakah hian  infiamna lamah hmasawnnan Sport meet huaihawt a ni bawk. Hmeichhia ten an mahni sahimna tura an invennan zirtirna pek an ni bawk a ni. 

Meeting-ah hian Mamit District chhunga MLA pahnih Pu Lalrinmawia Ralte Hachhek Constituency, Pu V.L Robiaka, Chairman ZIDCO Dampa Constituency, Pi Lalbiaksangi District Bawrhsap Member Secretary leh Committee members bakah  Officials te an tel tha hle a ni.