SIPMIU (North Eastern Region Capital Development Investment Program-NERCCDIP) chuan September Ni 29, 2017 (zirtawpni) atang hian Tuikhuahtlang chhip leh Forest Office inkar kawngpui dungah Hydro testing leh tui pipe lian phumna atana kawng laihchhiat chu hnawhkhah hna an thawh dawn avangin helai kawngpuiah hian lirthei engmah tlan phal a ni lova. Hemi avang hian Tuihkuahtlang area-a lirthei tlan dan tur a hnuaia tarlan ang hian ruahmanna siam a ni:
Sikulpuikawn-a (Govt Aizawl College bul) Republic Road chung hi Tuikhuahtlang chhip atanga tlanna tur kawng awm chhun anih avangin hemi kawngah hian lirthei chhuk leh chho zawnga tlan phal a ni a, hna thawh anih chhung hian helai kawngsir tawn tawnah eng lirthei mah dah/park phal a ni lo. Helai kawng hi a len loh avangin lirthei te chi chauh tlan phal rih a ni a, lirthei lian MMV leh a chunglam tan tlan phal loh a ni.
He thupek hian chhiatrupna thil kangmei leh emergency bakah dan kaihhnawiha duty te, thupek pawimawh bika duty te a huam lo ang. A tul dan a zirin thupek hi tihdanglam theih a ni.
Lirthei tlan dan tur hian September Ni 29, 2017 (zirtawpni) atanga hnathawh zawh hma a huam ang.
