616/2023-2024

Mamit 29th May, 2023 : Vawiin khan DC Conference Hall, Mamit-ah District Level Committee on Green Mizoram chu an Chairman Pu V.L. Remliana, Mamit District Bawrhsap hovin thutkhawm a ni.

Meeting-ah hian kumina Mamit-a Green Mizoram Day hman dan tur chipchiar taka sawiho niin mawhphurhna chanvo hrang hrang inpek nghal a ni a. Green Mizoram Day June Ni 11 chu Pathianni anih avangin June Ni 9 (Zirtawpni) -ah State Level-in a lo rel tawh angin hman ve nise tih a ni a. Highway peng, Waiting Shed, Luangpawl-ah zing dar 10:30-ah a hawnna pual inkhawm tawi, Pu V.L. Remliana, Chairman, District Level Committee on Green Mizoram hova hman nise tih niin Bawngva Road-ah thingphun tura ruahmanna siam a ni.

Kumin Green Mizoram Day thupui atan hian "Thingphun ila, enkawl zui ang u" (Plant a tree and keep it safe) tih hman a ni dawn a. Forest Department record-a a lan danin Mamit District-ah Kum 1999 atangin thingtiak 115403 phun tawh a ni.

Kumin Green Mizoram Day puala hmalakna leh hmachhawp atan hian kan thingphun theuhte a nun that theih nan Kum 1-ah vawi 2 aia tlem lo thingphuntu turte'n samfai thin tur a rel anih bakah thingphunna hmun tur a thlan huamchhungah thing nung sa a awm anih chuan tha taka enkawl zui turin leh nikum lama thingphun nung lo te replace tura hmalak nise tih a ni.

Vawiin meeting chuan thingphun enkawl zui tha, 50% chin phun nung ngeite hnenah lawmman pakhatna Rs 5000/-, pahnihna Rs 3000/- leh lawmman pathumna Rs 2000/- hlan nise a ti bawk.

Vawiin thutkhawmah hian District Level Committee on Green Mizoram members te an tel tha hle a ni.