615/2023-2024
Lunglei the 29th May, 2023 – Pu Alan Lalthanzara, Sub-Divisional Magistrate, Lunglei chuan 25th May 2023 khan a hnuai ami ang hian bawlhhlawh leh ran thi ruang paih chungchangah khapna thupek a chhuah.
Ni 23.05.2023 ah President, Village Council, Pukpui hnen atangin Pukpui ram chhung, Aizawl road Char lui leh tawngtaina inkar kawng thlang lamah vawk thi paih thin an awm thu dawn a ni a.
He hmun hi Lunglei mipuite tui tlan ber Pialthleng lui hnar a ni a. Helai hmuna bawlhhlawh leh ran thi ruang paih a nih loh nan leh, Lunglei mipuite tui tlan a lo thianghlim zel theih nan khapna thupek chhuah a tul a.
Chuvangin, kei, ALAN LALTHANZARA, Sub-Divisional Magistrate, Lunglei Division hian CrPC 1973 section 144 in thuneihna min pek angin a hnuaia mi ang hian thupek ka chhuah e :
Pialthleng lui hnar, Aizawl road Char lui leh tawngtaina inkar kawng thlang lamah bawlhhlawh leh ran thi ruang paih khap tlat a ni.
He thupek hian chhuah anih atanga thla 2 (hnih) chhung a huam ang a.
He thupek zawm lote chu I.P.C. Section 188 hmanga hrem theih an ni ang.
He thupek hi vawiin May ni 25, 2023 hian Court Seal-a nemnghetin hming ka ziah hnan e.
