Nimin (11.10.2018) khan I&PR Conference Hall, Mamit-ah State Adoption Resource Agency (SARA), Social Welfare Department, Mizoram buatsaihin District Level Sensitization Programme on Legal Adoption neih a ni a. He hun hi Dr. R. Lalrinhlua, District Child Protection Officer, Mamit-in a kaihruai.

He hunah hian Pi Lalmuanpuii Chhakchhuak, Programme Manager, SARA chuan Adoption under JJ Act, 2015 : Salient features tih thupui hmangin kalkhawmte zirtirna a pe a.  Dan anga fa lak dan bakah fa la turte tana dan hriat tur pawimawh hrang hrangah zirtirna a pe.

Pi V. Lalrinpuii, Programme Officer, SARA pawhin Adoption Process : Adoption Regulations 2017 tih thupui hmangin dan anga fa lak dan kalphung kalkhawmte a zirtir a. Adoption uar zawka kalpui a tulzia a sawi bakah fa la duh nu leh pate pawhin fa kan mamawh vang ni lovin, naupangin nu leh pa, chhungkua a mamawh vang zawka fa lak duhna rilru kan put a pawimawh thu a sawi. Kalkhawmte atangin hriatfiah loh zawhna leh chhanna hun hman a ni bawk.

Mamit District huam chhunga dan anga fa la duh chuan Emau Specialised Adoption Agency, Bazarveng, Mamit-ah engtiklai pawhin zawhfiah theih a ni a. Harsatna eng emaw avanga mahni fa ngei enkawl thei lo te pawhin Sorkar dan hnuaiah a fa chu a Surrender thei bawk a ni.

Legal Adoption zirhona-ah hian  District VC, Mamit khawpui chhunga khawtlang hruaitute leh tlawmngai pawl hrang hrang aiawh, CMO Mamit, Mamit Police Department lam aiawhte bakah Child Care Institutions-a thawktute an tel a ni.

Attachment

  • Loading attachment...