Mamit 9th October, 2020 : Vawiin khan Dr. Lalrozama, IAS District Election Officer/District Bawrhsap hovin DC Conference Hall, Mamit-ah District Level Standing Committee on Electoral Rolls thutkhawm a ni.

District Election Officer chuan Mamit District chhungah tluang taka VC Election 2020 neih zawh a ni ta chu lawmawm a tih thu sawiin Officials zawng zawngte chungah lawmthu a sawi a. Vawiin District Level Standing Committee members kalkhawmte chungah lawmthu a sawi nghal bawk.

Vawiin Meeting-ah hian Returning Officer Handbook-in a tarlan anga, vote thlak turin 2 km aia thui kal phal a nilo a tih angin Phuldungsei, Zampui a mi chu Village Council siam a nih tak avangin anmahni khua ngeia vote an thlak theih dan tur Chief Electoral Officer hnenah thlen nise tih a ni a.  Polling Station-a hman thin School thenkhatte chu a hlui deuh tawh avang leh remchan zawkna vanga hming thlak danglam an nih avangin, Polling Station 14-te chu an hming thlak/siam danglamte chu Meeting-ah hian thlirho a ni.

Meeting-ah hian Special Summary Revision of Electoral Rolls, 2021 chungchang sawiho niin January ni 1, 2021-a Kum 18 tling thar leh 1.1.2003 leh a hma lama piangte Electoral Rolls-a an chuan ve theihna turin Summary Revision 2021 chu ni 16.11.2020 - 15.12.2020 chhunga neih tur niin Draft Electoral Roll hi November 16.2020-ah tarchhuah a ni ang a. Final Rolls hi January 20, 2021-ah tarchhuah tum a nih thu Meeting-ah hian tarlan a ni bawk. India khua leh tui, Vote nei thar tur Ni 1 January 2021 a Kum 18 tling thar turte tan hian mahni bialtu BLO-te hnenah ngaihven theih a ni ang. Political Party tin te'n Booth Level Agent inruat nise tih niin, Party tin te'n BLA an ruatna list kimchang hi District Election Officer hnenah October thla chhungin thehlut tura tih an ni bawk.

Vawiin Meeting-ah hian Village Council Election neih zawh tak thlirletna hun hman a ni a, Political Party aiawhte atangin VC Election, 2020  tluang taka neih zawh a ni ta chu lawmawm an tih thu an sawia, chutihrualin duhkhawp lohna an neihte meeting-ah hian an sawi a ni. District chhung khaw 10 atanga complain lut chu State Election Commission hnenah thlen chhoh a ni a, State Election Commission chuan complaint lutte lo enfiaha thutlukna siam tur Election Tribunal a din a, anni hian thutlukna an la rawn siam dawn thu Meeting-ah hian tarlan a ni bawk. Hachhek, Dampa leh Mamit-a ERO leh AERO- te chu remchan zawkna avangin siam danglam an ni bawk. 

Meeting-ah hian District Level Standing Committee members te, tlawmngaipawl hrang hrang aiawh, Political Party aiawhte bakah thutharthehdarhtute an tel a ni.