No.5917/2020-2021

Vawiin 09/10/2020 khan Lunglei Civil Hospital-ah 21st World Sight Day, 2020 chu thupui "Hope in Sight" tih hmangin hman a ni.

He Programme ah hian Dr.Lalrinthangi SMO, District Blindness Control Programme Officer Lunglei in kalkhawmte hnenah thu sawiin Sawrkar hmalakna lawmawm a tih thu tarlangin, India rama chengten kan Mit hmuhte alo fiah zawk theih nan leh mitdel kan awm lohna turin Sawrkar in theih tawp a chhuahna ah, tan lak ho angai a ni, a ti. Mit lama harsatna neite kan awm chuan Civil Hospital Lunglei a Mit entirna ah in entir vat turin kal khawmte a chah nghal bawk.

Mit thatna tur lam ngaih pawimawh tul a tih thu sawiin Thlai hring lam ei uar turin kal khawmte a chah a. Chumi rual chuan Mit tana harsatna leh mit that lohna thlen theitu zuk leh hmuam leh ruihhlo lak a fihlim a pawimawhna leh tulna te a tarlang bawk.Kan khaw hmuh theihna atan a Pathianin Mit min pek hi fimkhur leh uluk tak a enkawl theuh turin mipui kal khawmte a chah bawk.