No.1189/2021-2022 

Mamit 30th June, 2021 : Vawiin khan DC Conference Hall, Mamit-ah District Level Task Force On Covid-19 thutkhawm a ni a. Mizoram State Disaster Management Authority-in Covid-19 hripui leng mek avanga Mizoram puma hman tur inkhuahkhirhna thar ber a siam thlirhona neih niin Mamit District chhunga hman tur leh kalpui dan tur rela thutkhawm a ni.

Vawiin thutkhawmah hian Mizoram State Executive Committee, State Disaster Management Authority-in inkhuahkhirhna kalpui dan tur Order a chhuah taka DC tinte, anmahni District chhunga hman tur ruahmanna siam tura tih anih angin, heng a hnuai ami ang hian ruahmanna siam a ni. 

1. Mamit-ah Indoor leh Outdoor Sports Practice tun dinhmunah phal hrih loh nise tih a ni a. Zing/Tlai walking leh cycling exercise erawh zing dar 4:00 - 7:00 leh tlai dar 5:00 - 6:30 chhung remtih a ni. 

2. Mamit khawpui chhunga dawr leh bazar-te chu nitin zing 5:00 - 9:00 thleng hawn phal a ni ang a. Hei bakah hian Thawhlehni, Ningani leh Inrinni-ah te tlai Dar 5:00 thleng dawr leh Bazar te hi hawn leh inpho phal a ni dawn a ni. 

3. Mamit District chhunga Public Transport (Bus, Maxicab Taxi, Auto) te chu DC/VLTF phalna neite tan chauh tlanchhuah phal a ni. 

4. Bungraw load leh unload hna chu a hma-a kan lo kalpui tawh angin zan dar 8:00 hnulama unload tura tih a ni a. Bungraw unload tute hian ID, anmahni chhawrtu siamsak an awrh ngei ngei tur a ni. 

5. Kawnglaka lirthei chhe siamtute chu lirthei siam tura veivah phalsak an ni a. Amaherawh chu Mechanic an nihna tichiangtu tur ID Card/ lehkha VLTF te siamsak chu an awrh/keng tur a ni. 

6. Private owned company/Office - Consultancy Services, adt chu Sorkar Office dang kal anga kalpui tura rel a ni bawk. 

Khing a chunga tarlan bakah hian State Sorkarin inkhuahkhirhna Order a chhuah lehkha No. B. 13021/101/2021-DMR/Vol-V Date 29th of June, 2021 anga kalpui tur a ni ang.