Vawiin khan DC Conference Hall, Mamitah Pi Lalbiaksangi District Bawrhsap leh District Swachh Bharat Mission (Gramin) Committee Chairman kaihhruaiin District Swachh Bharat Mission (Gramin) hnuaia a kaihhnawih Department te'n an hmalakna tur hrang hrang leh an hmalak lehzel dan tur thlirho a thutkhawm a ni.

Vawiin Meeting-ah hian Mamit District chu pawnlera inthiar awmlohna (ODF) a puan a nih tawh ang ngeiin a taka kalpui zel a nih theih nan Individual Household Latrine (IHHL) sak tawh dan leh sak belh dan tur ngaihtuah a ni a. Khaw hrang hranga an sak tawh dan leh an mamawh zatte pek belh an nih theih dan tur an rel a. Silsury khaw rauhsan tawh khaw hluia la cheng, inthiarna neilote tan pawh ek in sakna tur hi ruahmansak turin vawiin Meeting-ah hian rel a ni.

Meeting-ah hian Community Sanitary Complex (CSC) Kum 2018-2019 Mamit District chhunga sak turte thlirho a ni a, March thla khan Dapchhuah leh Darlak khuate tan cheng Nuai 2 a sak CSC hi peihfel a ni tawh a. Heng bakah hian Mamit District chhunga khaw 7 - ah CSC hi sak mek a ni a, zo fel thuai tura beisei an ni.

Vawiin thutkhawmnaah hian Solid & Liquid waste Management 2018-2019, Mamit District chhunga ruahmanna thlirin 298.324 lakhs hmangin khaw 27-a ruahmanna awmte chu thlirho nghal a ni.

Sr.Executive Engineer, PHED Mamit leh Member Secretary, District Swachh Bharat Mission (Gramin) ni bawk chuan pawnlera inthiar awmlohna (ODF) a puan kan nih theih chhan chu Department hrang hrangte thawhhona convergence vanga a ni a. A bik takin DRDA, Mamit-te puihna vanga hetiang dinhmun hi thleng thei kan ni tiin an chungah leh Department hrang hrang chungah lawmthu a sawi a ni.