Vawiin chawhma dar 11:00Am khan Siaha DC Conference Hall-ah Mizoram sorkar Flagship Programme, New Economic Development Policy (NEDP) hnuaia hmalakna pakhat, Mizoram Kailawn, 2018  outreach/awareness programme  hman a ni.

He hun hi Pu Ngulzathuama,  SDC in  kaihhruaiin, EDS Master trainer Dr.Lalchhuanmawia'n NEDP hnuaia EDS(Entreprenuership Development Scheme ) tih thupui a hmangin,  Power Point  presentation hmangin zirtirna a pe a.  EDS chungchang leh Mizoram sawrkarin a hmalak tawhna leh hmachhawp te, Mizoramin entrepreneur tha a mamawh dan te, mitin tan hetiang mi a nih theih dan leh, chutiang mi ni tura thil pawimawh hrang hrangte a sawi.

  Pi Zorammawii IIMCIP team a mi in   he hmalakna kal zela Mizoram Kailawn (Business Plan Contest) 2018 chungchang chipchiar takin a sawi a, a tel duhte tana tel ve dan pawh a lem nena entirin a sawifiah nghal bawk.

 Mizoram Kailawn hnuaia B-Plan, 2017 Finalist Pi Rokimi Khawlhring  pawhin EDS hnuaia  a project thehluh te  entirin, training hrang hrang an neih dan leh a hlawkpui dan te a sawi ve bawk a ni.

Mizoram mi tupawh, kum 18 chung lam, sumdawnna emaw thil siamchhuahna thar remchang hria, a taka chang ngei tur eizawnna leh sumdawnna suangtuah chhuak thiam te tan kuminah hian intihsiakna (Business Plan Contest) ‘Mizoram Kailawn’ buatsaih leh mek a ni a. He intihsiaknaah hian tun thla (May)ni 10 thleng mahni hmalakna thehluh theih a ni a, www.mizoramkailawn.org kaltlanga thehluh tur a ni a, tun thla ni 23-ah result puan a ni ang.

 Zawhna leh Chhanna hun hman niin, Pu N.Vabeiratlua, DIPRO Siaha in a kaihruai a. Vawiin programme chhimtu sawmbik te atanga zawhna hrang hrang te chu Master Trainer ten  chhangin, an hrilhfiah nghal zel a ni.