Vawiin khan Mamit Additional DC pu H Lianzela kaihhruaiin a office chamber-ah district task force on immunization meeting neih a ni a.Mission Indradhanush 3rd phase 2nd round thlirletna (review) hun leh 3rd phase a 3rd round thlirlawkna (preview) hun hmangin mission target an siam te pawm nghal a ni.

Mission Indradanush phase 3 Round 2 ah hian target siam achievement chu overall in 80.35 % nu naupai ( raipuar) ah niin naupang kumhnih hnuailam ah 94.92% a ni tih meeting hian a tarlang.

Round 2 ah hian khaw sawmpasarih huam tawhin, Round 3 ah hian khaw sawm tuam leh tum a ni bawk a, chung te chu Khantlang, Zomuantlang, Rajivnagar 2, Andermanic , Hruiduk, Begabekya, Teprasara, Purana , Dampuipara, leh Dilzawl te a ni.

Mission Indradanush 3rd phase a 3rd Round hi June 7 atanga June 14 chhunga neih leh tum a ni a. Beneficiary list tha taka siam leh hri danna hi an la ngei em tih official ten cross check a verify leh thin tura beisei an nih thu meeting hian a tarlang bawk. Hridanna awareness a awm thei nan health department mi leh sa te Gram Sabha a thu sawina hun remchang siam tha an ti bawk.

Mission target siam te hi achieve a nih leh nih loh report pekna tur dedicated phone number te siam an rel bakah district chhung khaw kilkhawr te tan MPRO wireless hman tangkai tura a tul anga circular siam te rawt a ni bawk.