Nimin (28.6.2016) khan District Bawrhsap Pi Lalbiaksangi hovin DC Conference Hall-ah District Task Force on Immunization an thukhawm.

Mission Indradhanush 3rd phase 3rd round thlirletna (review) hun leh 3rd phase a 4th round thlirlawkna (preview) hun hmangin mission target an siam te pawm nghal a ni.

Mission Indradanush phase 3 Round 3 ah hian target siam achievement chu overall in 81.40 % nu naupai ( raipuar) ah niin naupang kumhnih hnuailam ah 92 % a ni tih meeting hian a tarlang.

Round 3 ah hian khaw sawm huamin, Round 4 ah hian khaw 10 bawk tuam leh tum a ni. Chung te chu Zomuantlang, Khantlang, Andermanik, Belkhai, Hruiduk, Begabekia, Teprasara, Purana, Dampuipara leh Dilzawl te a ni.

Mission Indradanush 3rd phase a 4rd Round hi July 7 atanga 14 chhunga neih leh tum a ni a. Beneficiary list tha taka siam leh hri danna hi an la ngei em tih official ten cross check a verify leh thin tura beisei an nih thu meeting hian a tarlang bawk. Hri danna la tha te hnenah nachhawkna damdawi a thlawna sem thin ni se, Mamit District bikah hian khaw thenkhatah lo lam hnathawh avanga in lama awm lova, thlam kai an awm thin avangin hri danna pek kawngah harsatna awmte tarlan a ni a, 4th phase mission indradhanush kalpui leh turah chuan fur khawchhiat reh fel deuhvah ni tawh se tih a ni.