Vawiin khan D.C Conference Hall, Mamit- ah  Pi Lalbiaksangi, Chairman,  District Task Force on Immunization/ District  Bawrhsap ni bawk hovin thukhawm. 

Vawiin meeting-ah hian Mamit District chhunga naupang kum 5 hnuailam hridanna pangaiin a la huam loh te tana hridanna pek dan tur chungchang Intensified Mission Indradanush kalpui dan tur rel a ni a, Mamit District hi High Priority District- a  tel kan nih avangin,  kum 2018 December ah chuan naupang hridanna la ei lo za a sawmkua(100/90)  tal huam ngei tura he IMI hi duan niin. He  shemes hi round 4 a kalpui tur a ni ang, a  thawhkhatna hi october ni 7 ah kalpui tur niin thawhhnihna hi November ni 7 ah kalpui tum a ni bawk.  Thawhthumna hi ni 7 December ah tan tura ruahman niin  round hnuhnung ber hi ni 7 January ah tan a ni leh ang. Heng invenna te hi natna chi hrang pariat  Diphtheria. Tetanus, Whooping cough, Haemophilus influenzae, type B ( Hib), Polio, Tuberculosis, Measles, Hepatitis B ah te invenna pek an ni anga, heng bakah hian measles Rubella bikah nakum February leh March a pek tura ruahmanna siam a ni. 

IMI hnuaia hmalakna tur hi a hlawhtlin theihnan leh a dawng tur naupang ten an dawn ngei theihnan naupang hridanna la dawng lo te lo zawng chhuaka ( head Count)  hridanna la nge tura hmalak pui turin  District chhunga hriselna lama thawktu, SSA zirtirtute , Anganwadi worker te, BSF te leh khawtina khawtlang  hruaitute tawiawmna  ngen an ni. 

Meeting- ah hian Aizawl atangin Dr Anil M.H,  Unicef Consultant, District chhung atangin SMO, DMS, DUDO,  DEO, SSA DPC leh Medical Sfaff te an tel a ni.